background

Өзбекстанда коронавирус тарқалыўы менен байланыслы жағдайлар қашан пүткиллей жуўмақланыўы мүмкин?

28-04-2020
Jańalıqlar
26

Өзбекстанда коронавирус тарқалыўы менен байланыслы жағдайлар қашан пүткиллей жуўмақланыўы мүмкин?

Сингапур Технологиялық ҳәм дизайн университетиниң (SUTD) изертлеўшилери усы күнге шекемги мағлыўматларды анализлей отырып дүньяда коронавирус тарқалыўы менен байланыслы жағдайлардың жуўмақланыўы бойынша мониторинг нәтийжелерин жәриялады. Бул ҳаққында «Дарё» басылымы хабар берди.

Мәлим етилиўинше, Өзбекстанда коронавирус тарқалыўы менен байланыслы жағдай усы жылдың май айында жуўмақланыўы болжанбақта.

Сингапур Технологиялық ҳәм дизайн университетиниң инновациялар лабораториясы тәрепинен жәрияланған есапта жазылыўынша, Өзбекстанда коронавирус эпидемиясы 2-май күни 97 процент, 8-майда 99 процент жуўмақланады. Оның пүткиллей 100 процент жуўмақланыўы болса 24-майға туўра келиўи прогноз етилген.

Атап өтилиўинше, келтирилген мониторинг нәтийжелери тек ғана танысыў мақсетинде усынылған болып, кемшиликлери болыўы мүмкин. Сонлықтан, ҳәр қандай унамлы прогнозларды да итибарлы түрде қабыл етиў керек.

Қарақалпақстан хабар агентлиги