#Dóretiwshilik_sapar

Usı jıldıń 3-4-dekabr kúnleri Qaraqalpaq mámleketlik jas tamashagóyler teatrınıń dóretiwshilik jámááti Nawayı walayatınıń Kenimex rayonında dóretiwshilik saparda boldı.

Dóretiwshilik jámáát Mádeniyat orayında rayondaǵı ulıwma bilim beriw mektepleriniń oqıwshılarına, sonday-aq, rayondaǵı mayıplıǵı bar bolǵan balalarǵa R.Yorievtiń «Fermer Nurım ata» spektaklin inám etti.

– Dóretiwshilik sapar kóterińki keypiyatta boldı. Óytkeni, kenimexli aǵayınlerimiz bizlerdi jıllı júzlilik penen kútip aldı hám saxnada atqarǵan spektaklimizdi ayrıqsha qızıǵıwshılıq penen tamashaladı. Hár bir aktyor, aktrisa ushın bálent alǵıstan artıq sıylıq joq, álbette. Biz bul saparda jalınlı alǵıslar menen qayttıq, – deydi teatrımızdıń dóretiwshilik jámááti.