background

«Ҳәр бир балаға меҳир итибар»

31-05-2019
Jańalıqlar
21

«Ҳәр бир балаға меҳир итибар»

Шаңарағымызды толтырып турыўшы, келешегимиздиң курыўшысы болған перзентлеримиздиң ҳәр тәреплеме жетик инсан болып камалға келиўинде ол жасап атырған орталық үлкен рөл ойнайды. Қайталанбас балалық дәўирлерин бийғам ҳәм кеўилли өткериўи ушын мәмлекетимиз тәрепинен бир қанша шараятлар жаратылған.
29-май Қарақалпақ мәмлекетлик жас тамашагөйлер театрында Қарақалпақстан Республикасы Мәденият министрлиги, «Өзбекстан Арнаўлы Олимпиадасы»  спорт жәмийетлик бирлеспеси Қарақалпақстан Республикасы бөлими ҳәм Қарақалпақ мәмлекетлик жас тамашагөйлер театры менен биргеликте 1-июнь  «Халыкаралык балаларды қорғаў күни»  мүнәсебети менен  «Ҳәр бир балаға меҳир итибар» сүрени  астында имканияты  шекленген балалар ҳәм жас эстрада қосыкшылары атқарыўында қайыр-сақаўат концерт бағдарламасы болып өтти.

Дәслеп келген мийманлар  театр фойесында имканияты шекленген окыўшылардың өз коллары  менен токыған ҳәр түрли тоқымашылық буйымлары, курақтан исленген миллий қол өнерлери, сүўретлери менен танысты.
Соңынан жыйналғанларға   халқымыз сүйген талантлы қосыкшылар ҳәм имканияты шекленген  балалар тәрепинен   концерт бағдарламасы қойып берилди.  
Концерт соңында имканияты шекленген балаларға  шөлкемлестириўшилер  тәрепинен   баҳалы саўғалар  берилди ҳәм оларда өзлерине қаратылған итибардан кеўиллери қуўанышқа толып, байрамды кеўилли  өткерди.
Дилафруз Муратбаева театр хызметкери