Қарақалпақ мәмлекетлик жас тамашагөйлер театры өзиниӊ 42-мәўсимин ашты

Бүгин Қарақалпақ мәмлекетлик жас тамашагөйлер театры өзиниӊ 42-мәўсимин П.Айтмуратовтыӊ «Устаз тәғдири» спектакли менен ашты. Мәўсим ашылыўына Қарақалпақстан Республикасы Мәденият министриниӊ орынбасары Ж.Абдижамилов, Бердақ атындағы Қарақалпақ мәмлекетлик академиялық музыкалы театрдыӊ директоры А.Ниетуллаев ҳәм басқа да көркем өнер ўәкиллери ҳәм театр ықласбентлери қатнасты. Спектакльден алдын Қарақалпақстан Республикасы Мәденият министриниӊ орынбасары Ж.Абдижамилов шығып сөйлеп, бәршени 42-мәўсимниӊ ашылыўы менен қутлықлады. Буннан соӊ театрдыӊ директор орынбасары А.Сейтов сөзге шығып театр жәмәәтин жаӊа спектаклдиӊ сахналастырылыўы ҳәм жаӊа мәўсимниӊ  ашылыўы менен қызғын қутлықлады. Соныӊ менен бирге «Устаз тәғдири» спектаклиниӊ дөретиўшилерин тамашагөйлерге таныстырып өтти. Қарама-қарсылықларға толы, шийеленискен ўақыяларды өз ишине алған жаӊа спектаклди тамашагөйлер үлкен қызығыўшылық пенен күтип алды.