Қарақалпақ мәмлекетлик жас тамашагөйлер театрының бир қатар дөретиўшилери Нөкис мәденият ҳәм көркем өнер қәнигелестирилген мектеби жаслары менен ушырасты

2019-жылдың 15-декабринен 2020-жылдың 15-январь күнине шекем болған дәўирде Өзбекстан Республикасы Қураллы күшлери шөлкемлестирилгениниң 28 жыллығы ҳәмде Ўатан қорғаўшылары күнин белгилеўге бағышланған Ўатанға сүйиспеншилик айлығына таярлық көриў ҳәм өткериў бойынша Қарақалпақстан Республикасы Мәденият министрлигиниң ис-илажлар режесине муўапық Қарақалпақ мәмлекетлик жас тамашагөйлер театрының ис-илажлары ислеп шығылды. Усы режеге муўапық 2020-жыл 18-январь күни Қарақалпақ мәмлекетлик жас тамашагөйлер театрының дөретиўшилери Өзбекстанда хызмет көрсеткен артист Л.Халқназарова, Қарақалпақстанда хызмет көрсеткен артист Ж.Абдимов, актриса Р.Пиязовалардың Нөкис мәденият ҳәм көркем өнер қәнигелестирилген мектеби оқыўшылары менен ушырасыў кешеси болып өтти. Ушырасыў кешеси даўамында оқыўшылар кеше мийманларына театр өнерине байланыслы сораўлар берди. Өз гезгинде театр актёрлары да оқыўшылардың қызықтырған сораўларына жуўап берди ҳәм театрда турақлы өткерилип барылатуғын тадбир ҳәм таңлаўларда белсене қатнасыўға шақырып қалды.