Театр жәмәәти Шоманай районы жаслары менен ушырасты

Өзбекстан Республикасы Президенти Шавкат Мирзиёевтың 2019-жыл 27-декабрь күни жаслар менен болып өткен ушырасыўындағы баянатының әҳмийетин жасларға кең түрде түсиндириў мақсетинде Шоманай районы 13-санлы балалар музыка ҳәм көркем-өнер мектебинде 2020-жыл 9-январь күни Қарақалпақстан Республикасы Маденият министри Қ.Турдиев район жаслары менен ушырасыўы болып өткен еди. Ушырасыў даўамындағы халықтың мүрәәжәтине байланыслы Қарақалпақ мәмлекетлик жас тамашагөйлер театрының Шоманай районы аўыл пуқаралар жыйынларында өткерилетуғын мәдений илажларының режеси ислеп шығылды. Усы режеге муўапық театр жәмәәти 2019-жыл 20-январь күни Шоманай районы «Тазабағжап» МПЖ аймағындағы 1-санлы улыўма билим бериў мектебинде гастроль сапарда болды. Мектеп оқыўшылары итибарына М.Бегимовтың «Қорқа қорқа батыр боларсаң» ертек спектаклин инәм етти. Спектаклден соң оқыўшы-жаслар дөретиўшилерге театр өнерине байланыслы сораўлары менен мүрәжәт етти ҳәм тийисли жуўаплар алды.