Қарақалпақ мәмлекетлик жас тамашагөйлер театрында Қарақалпақстан Республикасында хызмет көрсеткен көркем өнер ғайраткери Дәмегул Алламуратованың 60 жыллық юбилейине бағышланған салтанатлы кеше болып өтти

Бугин Қарақалпақ мәмлекетлик жас тамашагөйлер театрында Қарақалпақстан Республикасында хызмет көрсеткен көркем өнер ғайраткери Дәмегул Алламуратованың 60 жыллық юбилейине бағышланған салтанатлы кеше болып өтти.Кешеде Қарақалпақстан Телерадикомпаниясының баслығы Б.Елманов, Қарақалпақстан Республикасы Мәденият министри Қ.Турдиев, Өзбекстан ҳәм Қарақалпақстан Республикаларына хызмет көрсеткен көркем өнер ғайраткери, мәмлекетлик сыйлықлардың лауреаты Н.Муҳаммеддинов, Өзбекстан халық артисти, Бердақ атындағы мәмлекетлик сыйлықтың лауреаты Н.Аңсатбаев, Қарақалпақ мәмлекетлик жас тамашагөйлер театры директоры П.Айтмуратов ҳәм басқада көркем өнер ӯәкиллери сөзге шығып, талантлы режиссёр Д.Алламуратоваға дөретиӯшилик табыслар тиледи. Бердақ атындағы Қарақалпақ мәмлекетлик академиялық музыкалы театры ҳәм Қарақалпақ мәмлекетлик жас тамашагөйлер театры, сондай-ақ, Қарақалпақстан көркем өнер шеберлери тәрепинен атқарылған композициялар юбилей кешесиниң жоқары дәрежеде өтиӯин тәмийинледи.