«Арзыўлары бир дүнья кишкене қәлиблер»


2019-жыл 24-апрель күни Қарақалпақ мәмлекетлик жас тамашагөйлер театрында Өзбекстан көркем-өнер академиясы Қарақалпақстан бөлими ҳәм Қарақалпақ мәмлекетлик жас тамашагөйлер театры менен биргеликте Нөкис қаласы Әмет бақсы атындағы 12-санлы балалар музыка ҳәм көркем-өнер мектеби «Сүўретлеў өнери» ҳәм «Әмелий қол өнери» бөлими оқыўшыларының «Арзыўлары бир дүнья кишкене қәлиблер» атамасында көргизбе болып өтти.
Көргизбеде оқыўшылардың кишкене қолларынан жаратылған түрли жанрдағы сүўретлеў өнерлери, керамикалық буйымлар, қарақалпақ халқына тән миллий нағыслар түсирилген липаслар ҳәм тутыныў буйымлары орын алды. Сондай-ақ, оқыўшы қызлардың дуўтарынан таралған қарақалпақ халық намаларының сыйқырлы жаңғырығы көргизбеге өзгеше сән бағышлап турды. 

Д.Дарушова Көркем-өнер таныӯшы журналист