Qaraqalpaq mámleketlik jas tamashagóyler teatrında uzaq jıllar dawamında nátiyjeli miynet etip atırǵan tanıqlı aktyor Rustam Orazbaevtiń 60 jıllıǵına baǵıshlanǵan ádebiy keshe shólkemlestirildi.

Kesheni Qaraqalpaqstan Respublikası Mádeniyat Ministri Qalbay Abievich Turdiev ashıp berdi hám kóp jıllıq nátiyjeli dóretiwshiligi menen xalıqqa tanılǵan aktyordıń qaraqalpaq teatrına qosqan úlesi, teatr saxnasında jaratqan obrazları haqqında aytıp ótti.

Dóretiwshi óz aktyorlıq iskerligi dawamında Watan, shańaraq muqaddesligi, páklik, jaslar tárbiyası hám usı sıyaqlı joqarı pazıyletlerdi ózinde jámlegen 50 den artıq obrazlar jaratqan.

Máselen Mingalimov hám Kyurkovtıń “Jodulanǵan orman” spektaklinde Ájel (1985), Adham Raxmatovtıń “Abdulla Nabiev” spektaklinde Saqshı (1986), V.Rozov hám Efremovtıń “Baxıt izlep” spektaklinde Gena (1987),K.Karimovtıń “Altın teńge” spektaklinde Sútxor (1987), N.Osipova hám R.Tóreniyazovtıń “Sıyqırlı dáne” spektaklinde Rubik (1988), K.Raxmanovtıń “Toǵız tońqıldaq bir shińkildek” (1988), Qaraqshı (2019), S.Balǵabaevtiń “Qız jigirmaǵa shıqqanda” spektaklinde Tawken (1989), “Eń shıraylı kelinshek” spektaklinde Jienbay (1994), V.Ziminniń “Chubrik” spektaklinde Vovka (1989), B.Mukaevtiń “Hújdanıńnan sora” spektaklinde Asan (1989), T.Qayıpbergenovtıń “Xiopis piramidası” dramasında Milicioner (1990), J.Xojanovtıń “Kosmostan kelgen miymanlar yaki Pitoniyge sayaxat” fantastik dramasında Ino (1990) “Batır haqqında ertek” spektaklinde Boran (1996), B.Zakievtiń “Ata taǵdiri” spektaklinde Polatbek (1991), A. Efrimovtıń “Kewil kóleńkesi” spektaklinde Milicioner (1991), S.Jumaǵulovtıń “Adamlar qalay buzılǵan” spektaklinde Dońız (1992), “Kúyewińdi berip tur” komediyasında Qabıl (1993), “Ekstrasens” komediyasında Karim (1995), L.Tolstoydıń “Buratino” spektaklinde Artemon (1996), M.Bayjievtiń “Sońǵı reys” spektaklinde Milicioner (1998), S.Salaxiddinovtıń “Ómir esik artında” spektaklinde Baxtiyar (1999), Shomanadzeniń “Anajan” spektaklinde Bala (1999) Qaraqalpaqstan respublikasına miyneti sińgen mádeniyat arbabı P.Aytmuratovtıń “Súyinshi” spektaklinde Bazarbay “murteshe” (1989), “Oynaǵan ot basar” spektaklinde Jolmırza (1994), “Ustaz táǵdiri” spektaklinde Bekmurat (2020), “Awılǵa qaytıw” spektaklinde Shal (2020), Babaxanov hám Agamurzaevtiń “Jolbarıs hám ańshı” ertek spektaklinde Dońız (1998), J.Maxmudtıń “Jalańash qiral” spektaklinde1-tigiwshi (1992), “Jalmawız kempir hiylesi” spektaklinde Eki bay (2000), “Top” ertek spektaklinde Tıshqanbay (2018), M.Begimovtıń “Qorqıp-qorqıp batır bolarsań” spektaklinde Qoyan (2017), Ózbekstan Jazıwshılar Birlespesiniń aǵzası B.Aytmuratovtıń “Moynaqta baxıttıń tańları attı” spektaklinde Keńes aǵa (2019), Villiam Shekspirdiń “Romeo hám Julietta” spektaklinde Kapuletti (2020), Qoshqar Narqabulovtıń “Alıwdıń beriwi bar” spektaklinde Boran (2021) sıyaqlı rollerdi orınlaǵan.

ilajda sózge shıqqanlar talantlı aktyordıń basıp ótken ómir jolı hám dóretiwshiligi haqqında aytıp, jaslarǵa úlgi qıldı. Tádbir Qaraqalpaqstan Mádeniyat ustaları hám teatr jámáátiniń teatrlastırılǵan kompoziciyaları menen dawam etti

Shaxnoza Yaxiyaeva – Qaraqalpaq ma`mleketlik jas tamashagoyler teatrinin` rejissyor assistenti.