Búgin 12-oktyabr kúni Qaraqalpaq mámleketlik jas tamashagóyler teatrı dóretiwshilik jámááti Qaraqalpaq mámleketlik universiteti Matematika fakultetinde student jaslar menen «Aktyor hám jaslar» ushırasıwın ótkerdi. Ushırasıwda Ózbekstanǵa xızmet kórsetken artist Liza Xalıqnazarova, Qaraqalpaqstanǵa xızmet kórsetken artistler Jigerbay Abdimov, Arzıxan Nawrızova, Klara Shamuratova hám Urziya Ibrayımovalar student jaslarǵa Qaraqalpaq mámleketlik jas tamashagóyler teatrınıń jetiskenlikleri, ol jerde saxnalastırılatuǵın spektakl, pessalar keleshek jaslarǵa  tálim-tárbiyalıq áhmiyeti hám ómirge kóz-qarasınıń rawajlanıwında teatrdın  ornı áhmiyetli ekenligin aytıp ótti.   Ushırasıwdı matematika fakulteti tyutorı F.Esenbekova alıp bardı.  Ushırasıw mazmunlı hám kótereńki ruxta ótti, student jaslar qızıqtırǵan sorawlarına juwaplar aldı.