Татарстан Республикасы Мәденият министри Аюпова Ирада Хафизяновна Қарақалпақстан Республикасына әмелге асырған хызмет сапары даўамында Нөкис қаласының дыққатқа ылайық орынларында болды.

Дәслеп, Ирада Хафизяновна И.В.Савицкий атындағы мәмлекетлик көркем өнер музейинде болып, музей экспонатлары менен жақыннан танысты.

Музей директоры Т.Мкртычев музейдиң пайда болыў ҳәм экспонатлардың қәлиплесиў тарийхы, белгили рус художниги Игорь Витальевич Савицкийдиң музей экспонатларын топлаў барысындағы пидайы мийнетлери, музейде сақланып атырған экспонатлар қатарында рус авангарты топламы, өзбек ҳәм қарақалпақ халқының әмелий көркем өнери үлгилери сақланып атырғанлығын айтып өтти.

Министрликтиң мәлимлеме хызмети.